На 15 август се враќа шпанскиот елитен фудбал, и тоа со возбудливи натпревари уште во првото коло. Ла Лига – Коло 1 носи дерби дуели, враќање на старите ривалства, но и шанса за новите прволигаши да се докажат. Тимовите влегуваат со различни амбиции: некои со фокус на титулата, други со цел да останат во најелитното шпанско фудбалско натпреварување, а трети да изненадат уште од старт.
Секоја сезона носи нова енергија, нови имиња и нова неизвесност. Во ова прво коло, ќе имаме прилика да видиме како изгледаат составите, што подготвиле тренерите и кој ќе се покаже во трката за титулата уште од првата утакмица. Првото коло на Ла Лига секогаш е интересно, затоа што првите утакмици често знаат да го поплочат патот кон титулата.
Гирона – Рајо Ваљекано – Петок, 15 Август 2025, 19:00
Тип: ГГ (Гол-Гол)
Гирона е незгодна на домашен терен, особено против екипи со сличен квалитет. Рајо Ваљекано обично не игра затворено на гости, па нивните натпревари често се динамични. Двата тима имаат играчи што знаат да создадат и реализираат шанси, но често прават грешки во одбрана. Очекуваме голови на двете страни.
Виљареал – Реал Овиедо – Петок, 15 Август 2025, 21:30
Тип: Победа на Виљареал (1)
Виљареал ја започнува сезоната со јасна цел – борба за излез во Европа. Има поискусен и поквалитетен состав, а на домашен терен ретко си дозволува кикс против нови или послаби прволигаши. Овиедо ќе се обиде да одигра добро во одбраната, но тешко ќе издржи доколку домаќинот го наметне темпото на игра. Очекуваме сигурна победа за „жолтата подморница“.
Алавес – Леванте – Сабота, 16 Август 2025, 17:00
Тип: 0-2 голови
Алавес на домашен терен обично игра внимателно и ретко се впушта во ризик без потреба. Леванте, пак, знае да се организира добро во одбраната и првите кола ги користи да прикаже стабилна игра. Ова е дуел што повеќе ветува физичка борба, отколку технички фудбал, и тешко дека ќе видиме многу голови.
Мајорка – Барселона – Сабота, 16 Август 2025, 19:30
Тип: Победа на Барселона и 3+ (2 и 3+)
Барса влегува во сезоната со високи очекувања и нема простор за кикс уште на стартот. Против Мајорка знаат да одиграат рутински, особено ако рано го отворат резултатот. Домаќинот ќе се обиде да се одбрани, но тешко дека ќе издржи 90 минути под притисок. Ако Барса тргне со полн гас, може да видиме убедлива победа и неколку гола.
Валенсија – Реал Сосиедад – Сабота, 16 Август 2025, 21:30
Тип: ГГ (Гол-Гол)
Валенсија пред своја публика секогаш игра со поголема енергија, без разлика на противникот. Сосиедад има состав што знае да ја држи топката и да ја казни секоја грешка, но и знае да прими голови на вакви тешки гостувања. Со оглед на начинот на игра на двете екипи, очекуваме натпревар во кој и едните и другите ќе искористат барем по една шанса за гол.
Селта Виго – Хетафе – Недела, 17 Август 2025, 17:00
Тип: 0-2 гола
Кога се среќаваат овие две екипи, често гледаме натпревари со малку голови и многу прекини. Селта Виго ќе ја има иницијативата, но Хетафе знае како да го успори ритамот и да ја затвори играта. Тешко е да се очекува отворен фудбал со многу шанси, а еден гол би можел да биде доволен за победа.
Атлетик Билбао – Севиља – Недела, 17 Август 2025, 19:30
Тип: ГГ (Гол-Гол)
На „Сан Мамес“ никогаш не е лесно, но Севиља знае да одигра цврсто и на тешки гостувања. Баскијците традиционално агресивно тргнуваат во поход по Ла Лига пред својата публика, а Севиља има искуство и квалитетни индивидуалци. Според нас, ова е натпревар со израметни сили и доволно потенцијал да видиме голови од двете страни.
Еспањол – Атлетико Мадрид – Недела, 17 Август 2025, 21:30
Тип: Победа на Атлетико
Атлетико знае како да се постави на вакви натпревари – дисциплинирано, стрпливо и да биде ефикасен. Еспањол ќе се обиде да се брани, но тешко дека ќе најде простор за напад. Гостите имаат повеќе искуство, поголема класа на играчи и знаат да го решат натпреварот со еден гол. Очекуваме победа за тимот на Симеоне со минимална разлика.
Елче – Бетис – Понеделник, 18 Август 2025, 21:00
Тип: ГГ (Гол-Гол)
Бетис влегува во сезоната со напаѓачки пристап, и ретко ја започнува сезоната без примен гол, особено на гости. Елче нема големи очекувања, но на домашен терен знае да се надигрува со посилни противници и да изненади ако му се даде простор. Очекуваме натпревар со отворена игра и шанси на двете страни.
Реал Мадрид – Осасуна – Вторник, 19 Август 2025, 21:30
Тип: Победа на Реал Мадрид и 3+ (1 и 3+)
Реал започнува на „Сантијаго Бернабеу“ и нема намера да го изгуби првиот натпревар од сезоната. Очекувањата се високи, а противник како Осасуна, иако борбена екипа, ретко издржува на вакво гостување. Ако Реал Мадрид влезе со вистински ритам, разликата во квалитет ќе дојде до израз. Победа за домаќинот и повеќе од два гола изгледа како најреален епилог.
Заклучок за Ла Лига – Коло 1
По завршување на Ла Лига – Коло 1, ќе имаме појасна слика кој е подготвен, а кој не. Некои фаворити ќе се истакнат, некои ќе кикснат, а сигурно ќе има и неочекувани резултати – што е секогаш случај во шпанскиот шампионат.
Ова е само првото поглавје од една долга и неизвесна сезона. Ова беше анализата и типовите за Ла Лига – Коло 1, но очекувајте и анализи и типови за сите кола од елитното шпанско фудбалско натпреварување, како и од најелитните европски фудбалски лиги.
Be the first to comment